Ynnin ka sngi, uwi u chipai ka United States of America da thang u pynya oo hi haphrang ka Israel Embassy ha Washington, USA kam ka dak wow pyrchah ya ka thma ha Gaza.
Uni u chipai toh uwa tip kam Aaron Bushnell, 25 snem wei kreh u kam u chipai ka United States Air Force.
Yeini da leh u deiwa riñ yow pait ka pyrthai ha u rynsan Social Media wa tip kam ka Twitch heiwa da lai yieñ u hakhmat ka Gate ka Israel Embassy.
Chwa wow thang u pynya oo hi da ong u wa ymye de u wow suki tæ pait yeiwa chah thombor ki paidbah ha Palestine wei hadien wa pynkopdiñ u da kbai u ya ki kyntien wow pynlaitlooid ya ka Palestine namo Free Palestine.
Hadien wa tympleh ki pulit ya u diñ da kit ya oo cha thaw sumaar yow sumaar ya oo.
Ki pulit toh kiwa da em chwa heini i thaw kiwa da tyrwa wow yarap ya oo tangwa da thang bait u ya idæ.
Discussion about this post