U Chief Minister ka Manipur u N. Biren Singh haka 14 tarik uni u bnai da thang u ya ki drugs kiwa chongdor T. 34,12,09,910 klur kiwa yoh kem da ka Narcotics and Affairs of Border (NAB) kamjooh ki pulit ka Manipur, wei da thang ya ini drug ha Pungdongbam Chingmang, Imphal East District haka yalang wa da emlang leh ki Montri sorkar, ki MLA, ki heh pulit, ki laad pathai khubor wa kiwa yahkhmat chnong.
Kini ki drugs kiwa da thang toh i Heroin (2 kg 271 gm 535 mg), bhang (273 kg 87 gm), 5,80,853 tylli ki WY Tablets, 1,22,696 tylli ki kuli SP Capsules wa 530 tylli ki N-10 Tablets. Kini toh kiwa da yoh kem daka NAB, Thoubal, Bishnupur, Noney, Senapati, Imphal West wa Imphal East District Police.
U N. Biren Singh hawa e yei klam ha kani ka sngi da ong u wa daw pyndooh kreh ya kiwon kiwon kiwa kreh pulit lada chem wa emkti ki ha ki kaam wa yatoh wa i drugs heiwa da em hadooh 40 tylli ki takit wa da pynman wa heiyatoh ki pulit wa i drugs.
Da khana u leh wa ka thma pyrchah ya i durgs da pynbna wa da sdang yaka nadooh u snem 2018 haka International Day Against Drug Abuse and Illicit Trafficking, wei ka sorkar lai ko chakhmat heiyatoh wa ini wei ym em wow ye u pynthut ya ini.
U Chief Minister da pyntip u leh wa da lai u cha ki chnong wa cha kdong dooh yow pynsih ya ki thaw wa thung Poppy deiwa pynchlur ya ki bru wow rep da kiwi ki jhoor rep wei u pteiñ wow lai pynsih ya ki thaw rep katwa ym pu dam ki bru wow rep Poppy.
