Ka Dorbar Chnong Ladmukhla, West Jaintia Hills District deiwa ya krehlang waka Labour Department, Jowai da pynman ki yei thap pyrtuid ya ki wakreh mylla hapoh ka e-Shram.
Ha chwa wow sdang yei pynpsiah pyrtuid, da em chwa ka yalang wow batai bniah chaphang ka Scheme e-Shram kawa pynlai da u Bormi Lyngdoh, Waheh Shnong ka chnong Ladmukhla wei da yoh leh i klam na u Standbyme Sari neiliang ka Common Service Centre uwa da batai pynche chaphang kani ka Scheme e-Shram wa da pynkrehkaam da ka sorkar pyrdi wa ka sorkar jylla lyngba ka chnat Labour.
Da khana wa kiwa ye u pynpsiah pyrtuid ha kani ka Scheme e-Shram toh ki wakreh mylla sngi nadooh kiwa kamai kari, ki Muster Roll, ki wakreh Job Card, ki mistri, kiwa chongdai dukan wa kiwi kiwi de.
Ha kani ka sngi da yoh leh yei klam na u Khroo Lamsalanki Pariat, uwa man leh u President yong ka All Jaiñtia Muster Roll Workers & Labour Union uwa da pynche chooh chooh hajrong kani ka Scheme e-Shram.
Ha kani ka sngi da wan chakhmat wow thap pyrtuid da ki kiwa boon ki wakreh mylla.
