Kam chibynta wow pynkrehkaam ya ka ‘Make in India’ ka sorkar pyrdi heiyatoh wa i kaam yada ri namo Defence Sector, neiliang ka Ministry of Defence (MoD) ynne da soi soskular ko wa ka M/s. Bharat Earth Movers Ltd. (BEML), M/s. Tata Power Company Ltd. (TPCL) wa M/s. Larsen & Toubro (L&T) wow thied hadooh ynru tylli ki Pinaka Regiment neibynta ka Regiment of Artillery yong ka Indian Army hei dor iwa T. 2580 Klur.
Kini ki ynru tylli ki Pinaka Regiment kynthup ki ya 114 tylli ki Launchers wa Automated Gun Aiming & Positioning System (AGAPS) wa 45 tylli ki Command Posts wow thied ya ki M/s TPCL wa M/s L&T kamjooh leh 330 tylli ki kari (Vehicles) wow chimkti na ka M/s BEML.
Na kini ki ki Pinaka Regiments daw pynkrehkaam ha ki thaaiñ khlieh wa mihsngi (Northern and Eastern Borders) ka ri wow yada ya ka ri wei wow ebor kamjooh leh wow pynkhlanbor ya ki chipai ka ri chwa u 2024.
Hapoh ka Buy Indian da booh thong 70% toh kiwa da chna hapoh ka ri wei yeini da pdiang da u montri yada ri ka India, u Rajnath Singh kamjooh ka montri ka muna tyngka ka ri (Finance Minister) ka Nirmala Sitharaman.
Ki Pinaka Multiple Launch Rocket System (MLRS) toh kiwa da chna wei pynwandur da ka DRDO wei da chna ya ki ha ki karkhana wa em hapoh ka ri.
