Jowai: Ka JHADC planning board ha i iah khmat u Madon Bai Rymbai kam u chairman deilang wa ka tnat Tourism da pyrkhat ko u chna ia ka Eco-park ha chnong Jaraiñ ka wa em hapoh ka Amlarem Civil Sub-division.
Da thmu u chna ia kani ka Eco-park ha i thaw wa heh kamwa 2 km2 .
I thaw kamwa ong ka planning board toh i wa yoosuk, wa biang um haduh u chna ia ki swimming pool wa ia kawi ka madan lehke phutbol.
Yooluti ki wa ini i thaw daw ye i u wanrah ia ki nongpeitke cha ka district na waroh ka ri kamjuh ia ki na bar ri leh.
Ka mang tyngka u chna ia kani ka Eco-park toh 16 klur tyngka kawa pyrchang ki u ioh na ki scheme iong ka North Eastern Council (NEC). Ong chuh chuh u chairman ka board wa kani ka Eco-park leh daw ye ko u pynmih poisa khajik ia ka JHADC, kamjuh leh daw man ko ka jingmyntoi ia ki paidbah.
Discussion about this post