Jowai: Chibynta yong ka T. 9,400 Klur ka wa da mang ka sorkar wow pynchlur yei pynemkaam ya ki Electric & Hybrid Vehicles namo ki kari wa pynemkaam da i bordiñ wow lai, ka sorkar ye ko wow e T. 2.5 lak cha kiwa pynuiñ ya ki kari wa rim kiwa pynemkaam da i Petrol namo Diesel dei thmu wow pynchlur leh ya kiwa chna kari wow pynheh karkhana ki chapoh ka ri.
Kiwa thied ya ki thuk thuk kiwa T. 1.5 lak ye ki u yoh T. 30,000, katkam wa da booh da thmu ka sorkar.
Chooh chooh kini ki kari kiwa daw pynemkaam kam ki kari kamai ye ki u yoh T. 1.5 hadooh 2.5 lak ya kawi ka kari kawa poi dor hapoh T. 15 lak.
Kini ki myntoi u yoh ki bru samen lada pynuiñ namo kylliang ki ya ki kari BS III tangwa emkaam wow yoh ki ya ki Certificate na ki thaw wad a booh kyrpang ka sorkar.
Katkam ka yumut wa da pachat da ka Department of Heavy Industries (DHI), da thmu wow booh kawi ka thaw charge ha man la ka 9 Sq Km ha ki thaw sorbah namo ki metro, ki sor heh wow em thaw charge ha pyn arliang u sarokbah ha man la ka 25 km ha u sarok Delhi-Jaipur, Delhi-Chandigarh, Chennai-Bengaluru wa Mumbai-Pune.
Discussion about this post