Thmu u khynnah wa 9 snem u slaitbor ya kawa 4 snem ha Shangpung

by Wyrta Staff

Reading Time: 1 min read

Jowai : Katkam ka yutip wa da yoh na ki pulit da ong wa yoh ki ya kawi ka ujor na kawi ka manbei na ka chnong Shangpung, West Jaiñtia.

Ha ka ujor da ong ko wa ynnin ka 2 tarik heipor kamwa 4 waje i janmiet uwi u khynnah uwa 9snem da thmu u wow slaitbor ya ka khynnah wa 4 snem i rta.

Heitæ i por da psiah ka bei yong kani ka khynnah wei da yoo ko yeini wei da yah ko ya kani ka khynnah cha thaw sumaar wei da pyntip ko cha ki pulit.

ya uni u khynnah da yah cha court ynne ka sngi wei ki pulit dang pynman ki ya i takit.