Ka seiñ Akhil Bharatiya Vidyarthi Parishad (ABVP) Meghalaya ynnin ka sngi da thoh ko cha u montri rangbah ka jylla, u Conrad Sangma wow e buit ya ka sorkar wow leh ko neibynta chitom wa yachem ki khynnah wa ki paidbah.
Ka seiñ da kyntu ko ya ka sorkar wow pyndam ya ki chuti ha ka Sngi Choh-that (Saturday) wa kiwi ki sngi chuti kiwa ym myntoi khnang wow ye u pyndep ya ki Course ki khynnah.
Heiyatoh wa i kyntu ka chnat puræ puthi ya ki manbei manpa wow pynemkaam ya ka Internet wow yoh myntoi ki khon ki na ki Website heiyatoh wa i puræ, kamtæ kiwa boon hi ki manbei manpa ymye ware ki u tip kammon wow pynemkaam Internet.
Ki Assignment neibynta kiwa lai puræ UG wa PG ymye ki wow Submit ya ki neibhha wa emkaam wow scan wei wow phah ya ki (Assignment) cha ki thaw puræ da man iwa eh neibhah wa boon hi ki khynnah toh kiwa na palat sor.
Neidaw wa em ka Lockdown ha waroh kawi ka ri, ki manbei manpa chem chitom ki wow pyndap mar baam ha yung, katwa kamtæ da kyntu ko leh ya ka sorkar wow pynyinsur næ wow map ya ki bai skur bai puræ (Fees) neibynta ynru bnai namo chi Semester.
Heiyatoh waka Scholarship ki khynnah, da kyntu ko ya ka sorkar wa ki Scholarship toh u bhah ya ka khnang wow ye ki khynnah u pynemkaam ya ka.
Chooh chooh da kyntu ko leh wa emkaam wow boon ya ka Task Force ka wow chong pyrkhat kammon wow leh lada mih i eh i khoo ya ki khynnah hadien wa da kut ka Lockdown.
Heijooh i por da kyntu ko leh wa ki thaw puræ u pynman Class ki da ki bhah (Shift) kamwa 3 tayaw hadien wa kut ka Lockdown deiwa bood leh ya ki kyndon ka Social Distancing.
Discussion about this post