Jowai: Ka seiñ HANM-East Jaiñtia Hills da thoh ko cha u DC ka East Jaiñtia wow ujor pyrchah yei wym biang pynlai sainar bordiñ ka Meghalaya Energy Cooperative Limited (MeECL) ha East Jaiñtia Hills ha waroh ki thaw ka Khliehriat East wa West hapoh ka District.
Ka seiñ da e nongmuna ko yei haap ki sainar bordiñ cha sarok paidbah boonsien iwa pynyoo yei wym biang i rukom pynlai ya ki sainar bordiñ da kani ka chnat.
Da pyntip leh wa haka 4 tarik uni u bnai heipor 5 waje i janmiet haka luti wow lai cha Jaiñtia Eastern College ha dong Moolynkut da haap syndep u sainar bordiñ ha sarok wei embhah ym em wa mynsoo wa khlaad na ini i jia wei ha u snem 2018 da jia ya i jooh hajan wa em ka 1 India Family Mart katni.
Da pynkynmoo leh wa ha u snem 2013, 7 ngut ki bru da dooh ki yei mynsien yong ki ha Khliehriat West neidaw wym biang i pynlai ya ki sainar bordiñ.
Kamtæ deiwa pyrkhat yaki paidbah da kyntu ya u DC wow chimkhia u ya ini i kaam yow lait i wow jia biang.
Discussion about this post