Ka seiñ HITO da thoh ko cha ka Chief Secretary ka jylla hajrong i pynemkaam bakla ya ki kari sorkar da ki heh ki chnat sorkar yei kaam yong samen yong ki nadooh wow lai yaw lai haat wa kamjooh leh wow li booh skur ya ki khon yong ki wa kiwi de ki kaam.
Ka seiñ da ong ko wa ini ym chong hok wow pynemkaam ya ki kari sorkar kamni hawa ka sorkar dang chem chitom ko wow su ya ka tulop kiwa sikai, ki wakreh Ambulance tangwa da pynlut phut won deiwa pynemkaam ya ki kari sorkar yei kaam yong samen.
Chooh chooh ka seiñ da kdaw ko wa da ye u leh yeini neidaw wym em booh yukheiñ yi wa sai, yi wa pynemkaam ya ki kari wei neiwon cheiwon lai wei deiwa sdang u booh da ka Log Book yeini daw lait na ini i pynemkaam bakla ya ki kari, kamtæ da kyntu ya ka Chief Secretary wow phah sdang ya waroh ki chnat wow leh noh yeini.
Tangwa kitu kiwa ye u pynemkaam ya kini ki kari yei kaam samen yong ki ye ki wow leh yeini tangwa hap ki dei su.
Da kdaw leh wa kam ki heh ki chnat sorkar kiwa em i kitkhlieh wow pait yei bha i miat ki kari, yow pyntikna wa ym em pynemkaam bakla ya ka kari, toh u su 50% ka bai phñiang lada em wa pynemkaam bakla.
Neiliang ka CS da kular ko wow chimkhia yeini.
