Ka seiñ HNYF-Nartiang Circle ynne ka sngi da thoh ki cha u Manager ka Dhar Company ha Riñgkyrtien Crusher (Modop) wow sangeh chwa ya ki kari Truck Dumper wow lai na u sarok Wahiajer-Nartiang-Barato haka 20 tarik uni u bnai neidaw wa em ka yaseiñ Synod Mihngi kawa daw man ha ka chnong Barato.
Ka seiñ da ong ko wa khnang yow lait nei sahkut kari ha katai ka sngi wa daw em boon ki kari wow lai cha ka yaseiñ Synod kiwa daw hap u lai lyngba naka chnong Nartiang wei u sarok wow lai cha Barato man u uwa khian, kamtæ da emkaam wow sangeh i lai ki Truck wa mih na kani ka thaw tylliat moo yow suk i lai i wan ki paidbah.
Ka seiñ da pyntip ko leh wa da jied ko ya waroh ki dkhot ka Circle wow man kam ki Volunteer ha Nartiang wow pynlai ya ki kari yow lait nei sahkut kari wei yeini da pyntip leh cha ki pulit ka Nartiang Police Station wow ya krehlang ha katai ka sngi yow kdoh u khoom yei eh.
