Ka seiñ HYC, East Jaiñtia Hills District Circle da thoh ko cha u DC ka East Jaiñtia Hills heiyatoh wa i eh i khoo ki paaid wa sah cha khappood kam ka Huroi, Hingaria, Lahalein waka Lejri kiwa da yakhih leh na ki por cha ki por yow dawa yei hok yong ki wow yoh sarok kamjooh ka thaw sumaar wa biang wa kiwi de.
Ka seiñ da pyntip ko wa em du kawi ka thaw sumaar neibynta kini ki chnong kawa em Huroi kawa man du kam ka Health Centre kawa chakri ya palat 5000 ngut ki bru tangwa kani ka thaw sumaar toh ka wym biang nadooh i thaw pyndait bordiñ, ki chram leh toh kiwa da kaad, ki yit kiwa da piah deilang wa kiwa boon ki thlu kiwa pai.
Heiyatoh wa u sarok nadooh Sonapur cha Huroi-Hingaria da dawa wow pynchna noh oo khlem pynslem de neibhah u sarok man u uwa sih bha uwa ym hoi tang u lai kari leh wei kattu da jan poi i por slap daw joor chooh chooh i sih u.
Chooh chooh da ong wa ka Mobile Network leh man ko ka wym biang hadooh wa da hap pynemkaam da ki yong ka Bangladesh. Da kdaw leh yei wym yoh bordiñ kani ka thaaiñ iwa da pynchitom ya ki khynnah wa dang lai skur.
Kamtæ da kyntu ya u DC wow thooh laad kammon wow yarap yow pynstiñ ya ka yukit kini ki chnong khappood.
