Thoh ka HYC cha u Director ka DHTE yow pynuiñ u Principal ka KNGC T. 300 cha kiwa puræ

Jowai: Ka HYC-Jowai Circle ha kani ka 15 tarik uni u bnai da thoh ko cha u Director ka Directorate of Higher & Technical Education, Department of Education Govt. of Meghalaya yow ujor pyrchah ya i pynku bai Exam syndet ka Kiang Nangbah Government College, Jowai.

Ka seiñ da ong ko wa kani ka College man ko du kawi donhi ka College sorkar hapoh ri-loom Jaiñtia khamtam ya kitu kiwa wan na ki manyung wa dooh wa duk da yarap bha ko.

Tangwa u Principal ka College ha ka 7 tarik uni u bnai da phah su u T. 1000 kam ka bai Exam wa T. 50 kam ka Enrollment Fee kiwa man pyrchah ya ki kyndon ka NEHU kawa da booh T. 800 kam ka bai Exam kawa kynthup lang ya ka Admit Card wa Marksheet.

Ka seiñ da ong ko wa hawa kylli na u Principal da ong u wa ka T. 300 wa pynku man ko neibynta ka Centre Fee katkam wa phah ka NEHU tangwa manda kylli na ki heh ka NEHU da ong ki wa ym tip ki chaphang kini ki bai Centre Fee.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da kyrpad ya u Director wow phah ya u Principal wow pyndam ya ka Notice wa pynmih ha ka 07-09-2018 wei wow pynuiñ ya ka poisa wa T. 300 wa da chimtam na kiwa puræ ha kani ka College.