Ka JSM Eastern Region da thoh ko cha u DTO wa u SP ka East Jaiñtia Hills District hajrong wa da em biang ki kari kiwa biah yit rong yong (Dark Tinted Glasses) nadooh ki kari ki bru samen wa ki kari kamai.
Ka seiñ da ong ko wa deiwa biah biang ya kini ki yit rong yong wei da em leh kiwa kah da ki that wa man jar wa tip kam ki Sun Shade, daw chim kabu ki bru wow leh ya ki kaam pyrchah aiñ neibhah da suk ki wow rieh tooh.
Chooh chooh da ong wa da em ki manbei manpa kamjooh ki khynnah skur, khynnah College kiwa pynsñiaw yei sñiawkhia yei chngaaiñ hei lai i wan yong ki hawa chong kari kamai ki da kiwa biah ya ki yit rong yong.
Kamtæ ka seiñ da kylli ko wa lada ini ym toh man i pyrchah aiñ wow biah ya ki yit rong yong hadien wa da dep khang?
Neiliang u SP da kular u ya ka seiñ wow pynman yei sylli kari man-i-por yow pait bniah ya kitu kiwa lai lait na ka aiñ.
