Ka seiñ Jaiñtia Youth Federation (CB) hadien wa da ood ki paidbah ka Ri-loom Jaiñtia hajrong i wym em khyndaw-bilat de hapoh District, ynne sngi da phah ko ya ka dorkhat cha u Montri ka chnat khayi wa karkhana ka jylla, u Sniawbhalang Dhar lyngba u Deputy Commissioner ka West Jaiñtia Hills District, u Garod LSN Dykes.
Ha ka dorkhat wa da soi da u Secretary ka seiñ, u S. Pajuh da pynsñiaw ya i eh i khoo wa chem ki paidbah deiwa kyntu ya u Montri wow chimkhia ya ini i kaam khnang wa ki paidbah kiwa kreh wei imja nei kreh ha ki kaam wa yatoh wa i khyndaw-bilat nadooh ki tre truck, kiwa khayi wa dai dukan khamtam ki mistri ym chah ktah ki nei wym poi i khyndaw bilat.
Ka seiñ da kyntu joor ko ya u Montri sorkar wow tuklar ya ini i kaam wei ya ka sorkar jylla, ki MLA ka thaaiñ wow sñiawbha ki u chimkhia hajrong ini i kaam wow pynbait smat ya ini i kaam neibhah wa em i yakhih wa khlem booh por ka seiñ JHTOA.
Da kyntu joor ko ya ka sorkar wow phah ya ki karkhana pynmih khyndaw-bilat hapoh East Jaiñtia Hills District wow wan cha ka miej wei wow klam sñiawthooh khnang wow pyndooh ya ini i eh i khoo.
Chooh chooh ka seiñ da e ko i kyrchaan wa pura ya ka JHTOA hajrong i dawa yong ka.
