Ka KSU da thoh ko cha u Ramesh Pokhriyal Nishank, Minister of Human Resource Development (HRD) ka sorkar India yow dawa thung Vice Chancellor ha NEHU da uwa napoh ka jylla hi.
Ka seiñ da ong ko wa ka North Eastern Hills University (NEHU) da seiñ ha u 1973 deiwa em ka thong wow yoh myntoi ki jaitbru ri-loom ka thaaiñ North East khamtam yaki bru ka Meghalaya, wei nadooh wa sdang yaka da man ko leh du ka donhi ka skurbah wa kyrchaan daka sorkar pyrdi hapoh ka jylla wei da tipmit ko ya kiwa boon ki College hapoh ka jylla.
Neidaw wa i por yong u Vice Chancellor wa katni u Prof, S.K Srivastava da kut i, ka Union da ong ko wa emkaam ya u Vice Chancellor uwa man u lane ka bru wa chemphang, kiwa sñiawthooh yaka imlang sahlang wei wow ap leh yeiwa tyrwa kiwa embynta ha kani ka kaam.
Da ong leh wa ka NEHU toh kawa da hiar bha katni hadooh wa da wanrah yei yakhih nadooh ki seiñ kiwa sikai kamjooh kiwa lai puræ pyrchah ya ki arngut ki VC ki warim neidaw wym ye ki wow kreh.
Kamtæ da ong wa nadooh u 1973 da em du uwi u Professor utæ u (L) Prof. B. Pakem naka jaitbru Khasi wa da thung kam u Vice Chancellor kani ka University, wei da kdaw leh wa da em kiwa boon ki dawa wow yoh VC da u Professor napoh ka jylla kam u/ka Vice Chancellor.
