Thoh ka KSU-EJHDU cha u DC wa boon ki dukan wa chim kabu ya ki paidbah

Ka seiñ KSU-EJHDU hadien wa yoh ujor na ki paidbah, kamtæ haka 1 tarik uni u bnai da lai e ko dei thoh cha u Deputy Commissioner ka East Jaiñtia Hills heiyatoh wa i chim kabu palat kiwa dai khamtam kiwa dai marbaam iwa da man pyrchah ya ka aiñ.

Ka seiñ da booh ko yei dawa na u DC wow phah bru yow lai pait ya kini ki dukan wa leh ya kini ki kaam iwa da ktah bha ya ki paidbah.

Chooh da ong u wa u mooser wa pynemkaam yow thaw khia toh u yoh yaka chap naka chnat Weight & Measures wei em leh ki dukan ki wym em tang ka Cash Memo, ki wym em Trading License, i pyrtuid dukan wa kiwi kiwi wa emkaam khnang u lait nei leh ya ki kaam wa man pyrchah aiñ da kini ki dukan wei khamtam i wym pynyoo leh yei dor tre yong ki mar khamtam ki marbaam.

Hawa yatoh wa ini, ka seiñ da dawa ko leh wow booh ya ka District Consumer Dispute Redressal Commission katkam ka Consumer Protection Act 2019 wei wow pynman leh ya ki pynsñiawthooh paidbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Deputy Commissioner, da kular u hakhmat ka seiñ wow pynchitom deiwa eh ya kitu ki dukan kiwa dai palat yei dor wei daw phah leh ya waroh ki dukan rachon kiwa em hapoh ka District wow booh ki ya ki dor ki mar ki mata deiwa chynna deiwa pynemkaam da ki Display Board.