Thoh ka Meghalaya cha ka Assam wa West Bengal wow pynlait ya ki kari kit mooyong wa biang kot donhi

Ka sorkar Meghalaya lyngba ka chnat Mining & Geology da thoh ko cha ka chnat Mines & Minerals ka jylla Assam waka West Bengal heiyatoh i psiah ki kari wa kit mooyong kiwa mih napoh Meghalaya kiwa lai lyngba ka Jorabat, Assam wa na Srirampur/Barobisha Gate, Alipurduar District, West Bengal.

Da pyntip cha kini ki ar jylla wa hapoh ka aiñ “The Meghalaya Mineral (Prevention of Illegal Mining, Transportation and Storage) Rules, 2022” kawa da pynkrehkaam hapoh ka Section 23 C ka aiñ Mines & Mineral (Development & Regulation) Act, 1957 (No.67 of 1957), da booh kyndon kammon wow kit ya ki marpohkhyndaw wa kynthup ya u mooyong cha kiwi ki jylla.

Katkam ka kyndon wa 6 kani ka aiñ waroh kiwa em ya ka Mining Lease/Agent /kiwa jop ya ka dai lilam ya ki mar pohkhyndaw wa da chah kem wei kiwa kit ya kini kini ki marpohkhyndaw yow chalan kamjooh yow dai emkaam ki wow em ya ka Mineral Transport Challan næ ka Form H ka Meghalaya Minor Minerals Concession Rules (MMMCR) 2016 kiwa hap ki wow pynyoo ha ki Check Gate.

Ki sahep wa em ha kini ki Check Gate hap ki wow pyntikna wa biang kini ki kot ki sla wei wow soi ya ka Meghalaya Transport Challan næ ha ka Form H.

Related posts

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

La 95% da ye u pyndep kreh ka Scheme saam um ka Mihmyntdu wa chongdor Rs. 32 klur

November 9, 2024

Yeini da leh katkam wa da phah ka NGT wow dai lilam ya u mooyong wa da pynman da ka MSTC wei hap wow bood ya kini ki kyndon.

Kamtæ da ong wa toh u pynlait u lai du ya kitu ki kari wa biang ya ka Challan næ ka Form H yow psiah ki cha kiwi ki jylla.