Ka seiñ North East Students’ Organisation (NESO) da thoh ko cha u Home Minister ka ri, u Amit Shah yow pynsñiaw yei pyrchah yei phah puræ Hindi khlem hoi u dam hadooh Class-X ha waroh ki 8 tylli ki jylla ka thaaiñ Northeast.
Ka NESO da ong ko wa sñiawthooh hi wa 40-43% toh kiwa klam ya ka ktien Hindi hapoh India tangwa hapoh ka ri em boon kiwi ki jait ktien iwa pynyoo yei mahajon i ktien i thylliej khamtam ha ka thaaiñ Northeast wa klam da kiwa boon ki jaitbru heiwa kawi ka jaitbru em ko da ka yong ka i ktien, ki dak thoh wa kiwi kiwi de kiwa man kyrpang wa phær na kawi ka jiatbru cha kiwi.
Da ong wa ini i pynbor wow pynman ya ka Hindi kam ka Compulsory Subject ha ka thaaiñ Northeast daw ktah ko ya ka ktieñ yong idæ wei daw pynkhia ko ya ki khynnah kiwa da hap puræ chwa ya kiwa boon kiwi ki Subject.
Kamtæ da ong wa ka NESO da pyrchah ko ya ini kamwa da pyrchah nadooh nachwa wei ini daw wanrah ko leh chiboon iwa ktah yei man yatylli kamjooh leh man i kamwa yoobeiñ ya ki ktien ki thylliej kiwa da em chwa.
Da ong wa heithaw wow leh yeini da toh pathan u pynlut por wow thap ya ki ktieñ ki jaitbru wa boon jait hapoh ka 8th Schedule.
