Ka Dorbar Chnong Tympang Iawmusiang ha kani ka kynti da thoh ko cha ka Chief Secretary ka jylla heiyatoh wa i kaam noh-jhep heiwa da ong ko wa ki paidbah ka sor Jowai wei khamtam ki paidbah ka Tympang Iawmusiang da chem chitom bha ki khamtam nadooh wa ka Jowai Municipal Board ym em de u kit jhep ko na kylleiñ ki chnong hapoh Jowai.
Da ong ha ka dorkhat wa ka sorkar lyngba ka chnat pyroi sor da leh kyndeh ki heipor wa chong bichaar ya ka PIL da ka High Court ha ha ka 22 Naitung 2022 deiwa kam wa da khat ya i jhep tangwa ha madan i jhep dang neh i kamjooh.
Hajrong ini da kyntu ya ka Chief Secretary kawa man ka khlieh yong ki chnat sorkar neibhah wa ka chnat pynroi sor wa ki bor District ymye ki wow chimkhia yeini chwa wow chah ktah ka rymaw wa i chait i khiah ki paidbah.
Da kyntu leh wow pynmih ya ka hukum wow kit wei wow noh ya i jhep ha Mynkjai heiwa heini da noh ya i jhep la kamwa 40 snem wei ym ktah yei chait i khiah ki bru wei i thaw leh toh i yong ka JHADC.
