Heiyatoh wa i suba wa leh khalær kiwa sumaar wei de suba leh wa em iyi iyi iwa da pynpoi chei yap ki arngut kiwa na Dimapur, Nagaland kitæ ka Rosy Sangma wa u Samuel Sangma iwa da jia ha Gurugram, Haryana.
Neiliang u Lat ka jylla Meghalaya u Satya Pal Malik leh da chimkhia u yeiwa mih khubor heiyatoh wa i rukom yap kini ki arngut kiwa na ka thaaiñ Northeast heiwa da yoh u leh ya ki kot ki sla ujor wa da e ha oo heiyatoh wa ini.
U Lat da rah u ya ini hakhmat u Union Home Minister, u Amit Shah lyngba ka chiti.
Neiliang ka Raj Bhavan, Shillong da pyntip ko wa u Lat da lai u cha New Delhi ynne ka sngi yow yaklam ya ini wa ki bor wa pait ya ini i kaam yow pynman ya ka takit wa khooid wei kawa laitlooid yow yoh ki arngut kiwa da khlaad yei hok yong ki.
