Thoh u Sanbor cha ka Law Commission yow pynlait ya ka Meghalaya na ka UCC

U MLA ka BJP, u Sanbor Shullai da thoh u cha ka Law Commission of India yow pynlait ya ka Meghalaya na ka Uniform Civil Code (UCC).

Ha ka chithi wa da thoh u cha u Chairman ka Commission da ong u wa lada pynkrehkaam ya ka hapoh Meghalaya, daw pynthut ko yei rukom chim jait na ki kynthai iwa da bood hapoh ka jylla wei ka sorkar pyrdi da dep ko wow pynlait yei krehkaam ka CAA haka thaaiñ North East wei yeini toh u leh biang heiyatoh waka UCC.

ADVERTISEMENT

Da ong u leh wa ki dustir riti toh iwa da yada hapoh ka Constitution ka ri India, kamtæ ymtoh u pynkrehkaam ya ka UCC hapoh Meghalaya.

Chooh chooh da ong u wa kawon kawon ka aiñ wa pynkrehkaam hapoh ka ri toh u pyrkhat yeiwa emkaam kiwa khian paaid deiwa yada yei hok yong ki, ka riti dustur khamtam yong ki jaitbru ri-loom wa em ha ka thaaiñ North East ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kaktkam wa ong u Sanbor Shullai, ki Khasi, Jaiñtia wa Garo toh kiwa biang dooh ka nongmuna deiwa e hok wow synchaar ki ya idæ hapoh ka Sixth Schedule wei ka UCC daw ktah wei pyntlot ko yei bor yong ki wow pynneh pynsah yeiwa da myllien ki nadooh yong rim iwa da pynman leh wow tipmit ya ki kam ki jaitbru ka Meghalaya kiwa phær na kiwi ki bynta ka ri.