Thoh u Vincent deilang wa ki 4 ngut ki MP cha u Gadkari yow pynchna wei pynheh ya u NH-6 cha ka 6-Lane

U Vincent Pala, MP deilang wa kiwi ki 4 ngut ki MP kiwa kynthup ya ar ngut na Assam wa mar uwi na Tripura wa Mizoram da thoh ki cha u Montri ka sorkar pyrdi, u Nitin Gadkari uwa pait ya ka Ministry of Road & Transport yow pynchna kamjooh yow pynheh noh ya sarok National Highway-6.

Kini ki MP da ong ki wa uni u sarok toh uwa pynyabi ya ka jylla Assam, Meghalaya, Mizoram wa Tripura uwa emkaam bha tangwa neidaw wa sih u cha palatpood da ktah yei lai i wan kamjooh i chngaaiñ neibhah da booh u hei maa yei mynsien ki paidbah wa pynemkaam ya uni u sarok.

Da pyntip cha u Montri wa uni u sarok da ieh khlem da pynchna la chi snem wei da wanrah u yei pynsepai yei por yong kiwa lai wa wan wei da ku leh i ya tyrrah kari kamjooh da pynthut yei kit ya ki mar wa emkaam.

Chooh chooh da pyntip leh wa neidaw wa joor bha i boon ki kari wa pynemkaam ya uni u sarok neidaw wa em ki paar tih marpohkhyndaw kamjooh wa ku ka khayi pateiñ, i heh uni u sarok kamwa man katni toh u wym biang de neibhah da yoo yei joor sahkut ki kari neibhah em du uni donhi uwi u sarok wa lai cha Barak Valley na Meghalaya iwa da pynman ya uni u sarok kam u thied snaam kani ka thaaiñ.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Kamtæ da dawa na u Montri wow pynchna smat ya uni u sarok yow ye u pynemkaam oo nadooh wow pyndap ya ki thlu, u pynchna yeiwa sih, u booh ya ki Signboard wei wow pynheh noh ya uni u sarok cha u 6-Lane yow chniam ki kari wa lai na uni u sarok.

Neiliang ki MP da phah lang ki wei dur yow pynsakhiat yeini wa sih u sarok.