Thooh ki pulit ya kiwa pynpoor yaka khubor thok wa joor i chah lehbeiñ ki Khar Mator ha Shillong

Shillong: Ki pulit ka nongbah Shillong ynne ka sngi da phah ki yaka khubor wa ym toh u ngait ya kawi ka Video wa da pynpoor lyngba ki Social Media kawa yatoh waka Them Iewmawlong kawa da klam da uwi u briew uwa da kam wa ki Khar Mator næ ki jaitbru Sikh ha kani ka jylla da chah thombor ki.

Hawa yaklam wa u Sub Divisional Police Officer ka Shillong, u Jagpal Singh Dhanoa da kyntu u ya ki paidbah wym toh u ngait ya kani ka Video wa da pynpoor da uwi u bru kamjooh da kiwi ki bru kawa thmu wow pynchit ya ka yakhih wa da mih ha u snem wa da dep.

Da ong u leh wa kani ka Video ym em klam ko yei yong sakhiat, wei ye u man leh ka Video kawa da riñ nadooh u snem wa da dep kawa da pynpoor biang sa chisien wow pynsñiaw yaphær jaitbru.

Da ong u wa ka Shillong man ko katni kawa chong suk, wei i pynpoor ya kani ka Video ye u man wa em i thmu wa sih wa cha kylla ya kawa ki pulit u pynman ki yaka takit kawa bniah wow yoh kem ya kiwa emkti wow pynpoor ya kani ka khubor thok wei wow tip leh ya i thmu kiwa emkti.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pyntip u leh wa katkam ka khubor wa ka chnat pulit yoh ko na Punjab, ya kani ka Video wa pynchit da poor ko nadooh ka 15 tarik uni u bnai wei ki pulit ka nongbah da chem ki ynnin ka sngi wa kani ka Video da poor ko cha kani ka jylla leh.