I oor khyndaw ha Sonapur Tunnel iwa da sdang nadooh ka 11 tarik uni u bnai da pteiñ ma pteiñ neidaw wa joor u slap ha East Jaiñtia Hills wa ha kiwi ki thaw leh kamjooh hadooh wa da chem chitom ka NHAI kamjooh ki bor District wow pynkhooid ya i khyndaw iwa da oor ma oor hakhmat kani ka Tunnel.
Ynne i step leh i oor khyndaw da jia biang i deiwa rap rben iwa da pynman ya ki pulit wow phah ya ki bru wow thooh luti da kawi neibhah wa daw chimpor bha u pynkhhooid yei khyndaw katwa neiliang u DC da ong u wa daw yaleh katwa ye u pynkhooid smat.
Ki pulit da pyrchang ki leh wow e yarap baam, e um ya ki bru wa sahkut wa hap yang ha ini i thaw tangwa ha kani ka kynti neidaw wa ye u sahkut deiwa slem bha, kamtæ da phah ya waroh wow thooh luti da kawi won.
