Ka sorkar jylla ynne da chim ko yaka rai wow pynboon chooh chooh yaki Corona Care Centre (CCC) hadien wa ku kiwa yoh COVID-19 khamtam ha East Khasi Hills wei da phah thooh yaki thaw kiwa ye u pynkylla cha ki CCC.
Neiliang u DHS da ong u wa ha East Khasi Hills kawa da pynkrehkaam ka CCC toh ka IIM Umsawli wei da em leh mar ka wi ha kiwi ki District.
Yaka NIFT, MIIT, MATI, Pastoral Centre wa kiwi da pynkrehkaam yaki kam ki Qurantine Centre.
Ha iwi tawon i liang da pyntip u wa ki Containment Zone kiwa da pynkrehkaam toh ha Umpling BSF Camp, ka Mawpat BSF Camp, ka Nongmynsong Police Outpost wei ka NEIGRIHMS leh da pynman ko yaka Orthopedic Department kam ka Containment Zone.
Neiliang won u symbood montri rangbah u Prestone Tynsong da pyntip u wa ka NEIGRIHMS da booh thaw ko ya ki wakreh yong ka yow ye ki u sah kiwa man kam ka Hotel lada thut i liwan yung ki.
Ha iwi tawon i liang da kyntu u yaki paidbah wow pynemkaam yaka Social Media deiwa em i kitkhlieh wei ym tooh wow pynbaad hi-eh khlem yurim deiwa e nongmuna yei chah pynbaad u MLA na Ri-Bhoi wa lai u cha ka khwai bia ha Khanapara hadooh wa hap u wow pynche ya ini.
U Prestone da ong u leh wa da yoo u wa ya oo leh wa em boon kiwa pynbaad kutjait tangwa ym yoh por u wow jubab ya ki.
Da ong u leh wa kini ki bru wa pynmih ya kini ki nia toh kiwa kwah u pynbang ja wei kiwa leh neidaw wa ym em yoosuk ki ya uni utai, kamtæ emkaam u man kiwa em ki kitkhlieh ha kini ki por.
