Jowai: Ka KSU Jowai Circle hapoh i yahkhmat u President u Morningstar Pasi wa u General Secretary u Phrakihowni Thubru, ynne ka sngi da lai booh ki dei thoh ha khmat ka RS Mannar Addl. Deputy Commissioner West Jaiñtia Hills yow paan pynche wa hadooh katwon wa neiliang ka District da lai ki chakhmat wow pynkrehkaam ya ka Entry & Exit Point wa yaka District Task Force.
Ka seiñ da yaklam wei da thooh yutip ko leh wa hadooh katwon ka bor District da chim khia ko wow sylli yei wan psiah ki bar jylla kiwa ym em mih pyrtuid haka NRC ka Assam chapoh ka jylla yong i.
Neiliang ka ADC da yaroh ko yaka seiñ neibhah da yoo ko na ki por cha ki por wa ka KSU ka yieñ ko wow leh kammon wow yada ya ka ri wa maya na i wan ki baar jylla.
Da ong ko leh wa lada ym em ki seiñ kam ka KSU, ka ri yong i da chah yooh beiñ ko ha kiwa boon ki liang, hajrong ki phang dawa ka seiñ, da kular ko wow chimkhia neibhah ka leh ym ye ko wow chong khlem leh iyi iyi leh, heiyatoh won waka District Task Force da ong ko wa ka man ko kam ka Secretary ha kani ka Committee deilang wa ki kattu katni ngut ki dkhot kiwa da dep wow chong yalang kattu la 2 næ 3 sien, wei da kular ko leh wow pyntip leh cha ka seiñ hadien wa da dep wow leh ya kiyi kiyi kiwa emkaam.
Discussion about this post