Jowai: I thung dieñ Sakura (Cherry Blossom) wa pynman da ka sorkar Meghalaya deiwa ya krehlang waka Asian Confluence, India East Centre IKOUKAI Society, Japan, Jaiñtia Fishing and Environment Protection Association waka Dorbar Chnong Panaliar da pynman yaka ynne ka sngi ha Syntu Ksiar, Jowai.
U Toshihide Ando, Deputy Chief of Mission, Embassy of Japan, India hei klam yong oo da ong u waka ri Japan da thung ko ya ki dieñ Cherry Blossom ha kiwa boon ki ri wei ha India ki dieñ Sakura da man ki kam ka dak wow pynkhlan yei yatoh lok hapyrdi ka India waka Japan. Da ong u leh wa i yajan kini ki ar ri katni da man ko ym du ha ka khayi pateiñ kamjooh ki kaam yada ri, hadooh ka dustur riti khamtam waka thaaiñ mihsngi ka ri India.
Chooh chooh da ong u wa ka thaaiñ mihsngi man ko ka luti wow wailaad yaka South East Asia. Yow pynkhlan ya kani ka yatohlok da sdang leh yaka IRIS programme ar snem nachwa deiwa yah yaki khynroo khyllood naka thaaiñ North East yow lai ki cha Japan yow yoh ki wow yoo dei khmat yong ki yaka dustur riti ka Japan.
Ha kani ka sngi da em leh ka Ambassador warim ka India cha Japan ka Deepa G. Wadhwa, IFS Retd, ki sahep sorkar wa kiwa chong chnong ka Panaliar.
Ha kani ka sngi da thung 40 tre ki dieñ wei 15 tylli toh ki jait dieñ Sakura ha Syntu Ksiar.
Discussion about this post