Kam i dak wa burom yaka bei rymaw, ha ka 15 tarik uni u bnai da thung dieñ ka dong Wahsder Iongkaluh kamwa 700 tylli ki tre dieñ hapoh ka dong.
Ha chwa u thung yaki dieñ da yoh i klam wa i pynsñiawthooh ya kiwa chong dong da u waheh dong u Hambis Phawa hajrong i emkaam wow thung yaki dieñ khnang u yoh u ye u pynim yaka pyrthai deiwa pynneh pynsah ya ka khloo ka kjam wa ki khon ki kti yong i mynried u yoh ki u myntoilang u riñ mynsein naka la-ær wa khooid wa suba waki dieñ man ki leh kiwa pynim yaki bru ha sla pyrthai waroh kawi.
Da e khublei ya waroh kiwa chong dong kiwa ya chimbynta ha kani ka sngi thung dieñ nadooh ki waheh yong ka dong ki manbei manpa ki khynroo khyllood ki khynnah kiwa da booh yaka thong wow thung yaki dieñ uwi u bru uwi u dieñ ha man u snem khnang wow yoh pynyirngam biang yaki soodong sookun hapoh ka dong.
Ka dong da e khublei kyrpang ko yaka Jaintia Students Movement (JSM) Central body hapoh i yahkhmat u General Secretary ka seiñ u Roitre Dkhar uwa da e sñiawbha yaki 700 tylli ki tre dieñ cha ka dong wei da kitbok kit rwiang yaka seiñ wow Blai kynrad u emlang u waki hei lehbha yong ki haka imlang sahlang hapoh ka Ri Pnar.
Ka kyrwoh wa phah da u waheh dong u Hambis Phawa.
