Jowai: Ynne ka sngi ka ABVP da pynman ko ya ka lehwarom ya ka sngi yada rymaw kawa da tip leh kam ka World Environment Day ha kylleiñ ka jylla.
Ka ABVP Meghalaya kamwa jooh man ha ki snem wa dadep da thung ko da ki hajar tylli ki tre dieñ tangwa ha kani ka kynti neidaw wa em ka khlam u COVID-19 da lehwarom ko ya kani ka sngi dei rukom wa rap phær.
Ynne ka sngi ki dkhot ka ABVP da pynman ki yei thung dieñ ha jar jiar ki kpær yung yong ki wow pyntikna leh wa suk wow sumaar ya kini ki tre dieñ.
Ya ini i thung dieñ da pynman ha kylleiñ ka jylla nadooh ka Ri-loom Jaiñtia, Khasi wa Garo.
Kani man ko katkam ka Wyrta na ka Darilin Tang kawa man kam ka State Secretary ka ABVP Meghalaya.
