Ka BJP da thung ko da u National Secretary uwa man leh kam u Spokesperson ka Party, u Anil Antony kam uwa pait (State Prabhari) ka Meghalaya deilang waka Nagaland heithaw u Prabhari namo u In-charge warim, u Chuba Ao uwa da leh yeini i kaam nadooh u Khonchonglad (Nov), 2020.
U Anil toh u khon u heh ka Congress u AK Anthony uwa jooh man leh kam u Defence Minister ka ri.
U Anil da psiah u cha ka BJP ha u April 2023 heiwa da yaleh u ya MP Election ha uni u snem na Pathanamthitta Constituency ka Kerala tangwa da rem u deiwa yoh hei wa le.
U Anil da jooh man u kam u Social Media Team Coordinator ka Congress ha Kerala tangwa da ieh u ya waroh ki kaam wa ksoh u hapoh ka Kerala Pradesh Congress Committee (KPCC) yow pyrchah ya ka phlim Documentary wa pynmih da ka BCC kawa da pynbaad ya u Narendra Modi heiyatoh wa iwa jia ha Gujarat heiwa da mih i ya mynsoo mysnaam wa joor hapyrdi ki Muslim wa ki Hindu.
Puræ leh: Kwah u pa wow rem u khon wa yaleh MP na ka BJP
Discussion about this post