Ka Meghalaya High Court da pynmih hukom ko heiyatoh wa ka PIL wa da yaleh heiyatoh wa i chah ah ya ki dieñ hawa pynheh ya u sarok NH-40 uwa tip leh kam u Shillong-Dawki Road heiwa da em ki dieñ wa kordor khamtam ha ki bynta ka Eastern Air Command kiwa ye u chah ktah.
Ka hukum da ong ko deiwa pyrkhat yei sñiaw ki paidbah wei chwa wow pynmih ya ka hukum wa khaddooh, u chna ya ka High Powered Committee (HPC) ka wow em 5 ngut ki dkhot ki wow pait yeiwa pyrchah katkam wa da kdaw ha ka PIL.
Ka HPC toh u e ko ya ka bui (Report) wa bniah hadien wa pynman ya ka takit heiyatoh wa i ah ya ki dieñ ha ki bynta ka Eastern Air Command.
Ka yung bichaar daw ap ko yeiwa tyrwa ka HPC yow pynbait kammon wow leh heiyatoh wa ki phang wa da kdaw ha ka PIL dei wym ktah ya ka rymaw ha iwi i liang heiwa da em ki dieñ wa da kheiñ wa man kyrpang katwa ha iwi won i liang ym ktah ko yei chna wei pynheh sarok.
Ki dkhot ka HPC toh u Amit Kumar, Advocate General, u Kaustav Paul, Senior Advocate, uwi wa mihkhmat ya ka Forest & Environment Department ka sorkar Meghalaya, uwi wa mihkhmat ya ka National Highways & Infrastructure Development Corporation Ltd. wa uwi u bru paidbah utæ u Jiwat Vaswani.
