Ka Rot Association of Meghalaya (RAM) da thung ko ya u R. Kamar kam uwa e ktien wa chipor yong ka seiñ namo u Acting Spokesperson, wei da mynjur ya ini da ka Executive Committee ka Association wa khlieh da ka President ka I. Kharmuti ynnin ka sngi.
U Kamar u man u leh kam u wa ar u Spokesperson kani ka seiñ kawa nyngkong dooh kam kani hapoh ka jylla.
Ya u Kamar hadien wa psiah u hapoh ka seiñ da khana ya oo yei rukom krehkaam ka RAM uwa da ban joor yei emkaam ya ki thong wa thymme yow yada ya waroh ki wakreh ha kini ki jait kaam hapoh Meghalaya.
U Kamar da ong u leh wa ki dkhot ka seiñ ye ki wow wan yachem wa oo ha kiwon kiwon ki por yow yaklam wei wow e buit kammon wow pynjanai chooh chooh yei krehkaam ka RAM wei ye ki leh wow Phone ya oo kamjooh wow phah Email.
Kamtæ da e khublei wei yooluti u yei ya krehlang wa i kyrchaan na kiwi ki NGO kamjooh khamtam kiwa kreh hajrong ka Human Rights yow ye u lai chakhmat wow pynkylla dur ya ka RAM hapoh i yahkhmat yong oo.
