Ka sorkar Meghalaya ynne da pynmih hukum ko yei mih khubor wa yap uwi u khynnah wa dang 13 snem ha Karnataka uwa napoh ka jylla Meghalaya heiwa da phah ya ki sahep sorkar wow lai ki cha kani ka thaw wa jia deiwa ya krehlang wa ki bor District ko kamjooh ki bei ki pa yong waroh ki khynnah wa em ha katai ka Hostel wa sah kini ki khynnah.
Kini ki sahep sorkar wa kynthup ya u P. Sunn, Sub Inspector of Schools, Sub Divisional School Education Officer, Shillong wa u R. Kharsyntiew, District MIS, PM-POSHAN, Shillong daw hap ki leh wow e ya ka bui (Report) wa bniah heiyatoh wa ini.
Kam wow kdaw heini wa u khynnah uwa na Lyndem, Pynursla, East Khasi Hills uwa lai skur ha kawi ka Residential School wa tip kam ka Gokula Vidyasamsthe wa em ha chnong T. Kagepura, Malavalli iwa em hapoh ka Mandya District da khlaad noh u hadien wa baam yei baam wa da sih da man bih (Food Poisoning) ha ka 16 tarik wei yeini i baam da baam hapoh ka Hostel kani ka skur hi tangwa kani ka Hostel toh kawa pynkrehkaam khlem da ka yoh bor.
Ha ini i jia, kamwa 24 ngut ki khynnah wa poi Hospital toh kiwa na Meghalaya na ki 40 ngut waroh.
Puræ leh: Yap u khynnah uwa na Meghalaya hadien wa baam yei baam wa da man bih ha Karnataka
Discussion about this post