Shillong: Ka Institute of Bioresources and Sustainable Development (DBT-IBSD), Shillong Centre, Meghalaya chirup wa ka seiñ “Tylli Ngin Tei” ynne da pynman ki ya i thung dieñ ha Mylliem kam chibynta yong ka ‘World Environment Day, 2020’ hajrong ka phang “Celebrate Biodiversity”.
Ya ini i thung dieñ da yahkhmat da u Director, IBSD, u Prof. Pulok K. Mukherjee hajrong ka thong wow pynneh pynsah ya ka rymaw.
Neiliang ka chnong won da yahkhmat da u H. Khyriem uwa man u Rangbah Shnong ka Mylliem, chirup wa ki dkhot ka “Tylli Ngin Tei”.
Kam wow kdaw heini ka IBSD kawa em chnat ha kylleiñ ka thaaiñ mihsngi da kreh bha ko wow pynneh pynsah ya ka rymaw heiwa ha ki snem wa dadep da saam ko ya ki tre dieñ wa kiwi kiwi cha ki paidbah.
