Thut i krehkaam ki Bank ha Jowai neidaw wa tkut ki wire ka BSNL

Jowai : Ynne ka sngi neidaw wa sih ka Link Internet ka BSNL nadooh i step, boon ki bank ym em ye ki u krehkaam.

Ki bank wa chaniah poisa na ka UBI wa em ha Jowai da man ki kiwa ym em poisa de u e cha ki paidbah, neidaw wa ka UBI ym nood ko u pyllait ya ka poisa khlem da kheiñ i diah wa i kheiñ i taar ha ka network yong ki.

Hanlada kattæ leh ha khmat ka bank SBI wa ka APEX, ki paidbah yang bait ki boi daw hoi ka Link Internet. Ha kiwi ki bank won kiwa wan na palat chnong da haap ki u liwan thylli.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ki bank wa pyndait internet da kiwi ki laad ye ki u krehkaam tangwa kiwa chaniah ha ka BSNL da kut chdak i krehkaam ki.

Ynne ka sngi leh da boon kiwa da wai ki ATM tangwa deiwa sih ka Internet Link ka BSNL boon ym em krehkaam ki.

Kiwa kreh ka BSNL da pyntip ki wa tkut ki Wire yong ki ha kiwa boon ki thaw wa chna sarok kam hajan nan Thadlaskeiñ wa chna ya u sarok bypass.

Ha Jowai da tkut biang ki wire ha i bynta ka New Hill neidaw wa chna ya ki luti lai kjat wa thymme.

Also Read: Da sdang i chna ya ki luti lai kjat wa kyrpang ha tymbud u sarokbah

Da pyntip ki leh wa ynnin ya ka Internet da pyllai lyngba ka Dawki-Amlarem-Jowai neidaw wa ym ye u pyndep u chna ya u wire wa tkut ha Thadlaskeiñ tangwa ynne i step won da tkut biang u ha New Hill wei da ye u pyndep u chna hadooh 3:30 i janmiet.

Ki ATM wa krehkaam katni dang du ka kot T. 2000 pynmih ki wei ym pu em poisa T. 100 wa T. 500.