I wan ka khlam u COVID-19 da wanrah i yei thut i kreh ki bru ha kiwa boon ki kaam nadooh ki bru samen wa kamjooh leh ki chnat sorkar.
Kawi na ki chnat kawa haap pteiñ bait wow kreh hapyrdi i em kani ka khlam toh ki chnat krehkaam ki pulit kiwa da haap wow e sonteri, wow leh ya ki takit wot hadooh wow pynkrehkaam ya ki kyndon ka chnat i chait i khiah heiyatoh wa kani ka khlam.
Hawa yaklam wa u SP ka West Jaiñtia Hills, u BD Marak da kubur u yeini wa da em i thut hei krehkaam ki pulit tangwa hanla kattæ leh da yaleh ki katwa ye wow pyndep yei kaamram yong ki.
Chooh chooh heiyatoh wa i jia ini wadep ha Iongkwang heiwa da chah dung kawi ka manbei ha u Ardabiang Suchiang, u Marak da pyntip u wa da kem ya uni u wei katni em u hapoh Police Custody.
Haiyatoh wa u Fortunate Pala ya uwa da suba wa emkti hei wow tynyap ya kawi ka manbei ha Mihmyntdu, da pyntip u wa dang yang yaka Medical Report wei du hadien wa yoh ya kani u ye wow lai chakhmat.
