Thut i pyndep niam pyndep rukom ka Elaka Raliang neidaw wa behkaam Dolloi ka District Council

Jowai : Ki dkhot ka Dorbar Raij Raliang Elaka deilang wa ki Ynñiaw Waheh ka Raij Raliang ynne ka sngi yachem ki wa u CEM ka JHADC u ma Thombor Shiwat yow pynsñiaw ki yei pyrchah ki yei wa thung Acting Dolloi ka council hadien wa da dep beh kaam (suspend) chipor ko ya u Dolloi wa pura yong ka u ma Chawas Lyngdoh.

Da pynsñiaw ki ha khmat u ma Shiwat wa ini i em u Acting Dolloi da ktah ko ya i lehniam hapoh ka Elaka neibhah du u Dolloi wa pura wa ye u pyndep ya ka niam ka rukom.

Ya u Dolloi wa chah suspend toh uwa da dep pynkyntang dep pynsmai ya oo da ka Elaka kamtæ du oo donhi wa ye u pyndep niam katwa u Acting Dolloi toh uwa thung da ka Council kamtæ oo ym ye u, u pyndep ya ka niam ka rukom.

Kamtæ da kyrpad ki ya u CEM yow pyndam chwa ya i chah suspend u Dolloi yow ye u pyndep ya ka niam ka rukom.

Related posts

Da jied ya kiwa kitkaam ka Seiñ Kur Sana

June 4, 2025

Pynman ka Modop Nartiang yei jied waheh chnong

May 31, 2025

Neiliang u CEM ong u hun hi u wow pyndam ya i chah suspend u Dolloi ha ki sngi wa hap leh niam u tangwa ya kiwi ki kaam kam i synchaar khaddar u ksoh ka Counil ha ki sngi wa thung biang ya oo kam u Dolloi.

Katkam wa man kattæ da ong wa da sah ka leh niam Kopati Puja kawa haap pyndep ha kini ki bnai hachwa u kut u snem. Wei u sdang biang ya ka ha u snem thymme.

Hei yatoh won wa i rukom thung ya ki Acting Dolloi u CEM da pynche u wa ki MDC wa mih khmat ya ka jar jiar ka Elaka da jied ki ya u bru wa yoo biang ki wei oo ye u man uwon uwon neibhah kam u Acting Dolloi ye ki u man leh na iwon iwon i kur tangwa kat yow yoh hi u man Dolloi wa pura toh ki kur ki jait wa da booh katkam ka aiñ ka District Council.

Neiliang ki dkhot ka Elaka da ong ki wow chim ki ya ka rai pyn ha kini ki sngi wei daw wan yachem biang ki wa u CEM yow booh ha khmat yong oo ya i rai yong ki.