Thut i takit wa ood kjut uwa suba emkti wow pakhot Petrol Bomb ya ka yungkrehkaam ka MPSC: SP EKH

Shillong: I takit yei chah pakhot Petrol Bomb ka yung krehkaam ka Meghalaya Public Service Commission (MPSC) dang sahkut i hadooh katni neidaw wa uwa suba wa emkti ha ini dang chah sumaar u ha Hospital.

Hawa yaklam wa u Superintendent of Police ka East Khasi Hills, u Davis N R Marak da ong u wa hadooh katni ym pu em chem iwon iwon wa thymme neidaw wa ki pulit ym pu yohlaad ki wow takit ya u shahep MCS, u Granville Harley Passah neidaw wa em u ha Hospital, hanlada ka yung bichaar da e por ko 7 sngi ya ki pulit wow pynman ya ka takit.

Da ong u wa ka tnat haap bood ko ya ki kyndon aiñ wei hadien wa kem ya uwon uwon haap rah chwa cha thaw sumaar wow sylli (Examin) yei doh i pran yong oo lada em u hapyrdi i doh i pran wa chait wa khiah wei ha kani ka kynti ya uwa emkti nadooh ka sngi nyngkong da chah ksoh u ha Hospital.

Related posts

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Na pchem yung chah tooh sa kawi ka Scooty ha Jowai

January 5, 2026

Da ong u leh wa neidaw ini waroh da thut i takit ki pulit wei ym du kani kawi ka kaam tangwa da em boon tylli iwa jia, wei neiliang ka tnat da thoh ko cha ka tnat ka chait ka khiah ka jylla wow thung noh da ka Medical Board, ka wow kynthup ya kiwa boon ngut ki Doctor ki wow sylli bniah hadien wa kiwa chah kem ood chitom ki hanlada dep sumaar la chi tayaw ha Hospital.