Ki bor District kamjooh leh ki pulit hapoh ka ri da sdang khut ki ya ki dkhot ka National Cadet Corps (NCC) wow yarap ya ki ha i yakhun pyrchah ya ka khlam u COVID-19 nadooh kini sngi wa dadep.
Neiliang ka chnat yada ri namo ka Ministry of Defence (MoD) da chah ko wow embynta ki hapoh ka ‘Exercise NCC Yogdan’ wow kreh chirup wa ki chnat ki sorkar jylla ka ri.
Da sdang wow pynemkaam ya kini ki dkhot toh kam ha ka Union Territory of Ladakh, Madhya Pradesh, Punjab, Haryana, Himachal Pradesh, Chandigarh, Tamil Nadu wa kiwi kiwi.
Wot hadooh ha jylla Meghalaya kini ki dkhot kiwa em kamwa 80 ngut ha East Khasi Hills District da yarap ki yaki bor District kamjooh wa ki pulit wow pyntikna wa krehkaam ka Social Distancing wei wow pynlai bait hawa em ki dukan dukdoh wa dai ya ki mar wa emkaam.
Discussion about this post