Ka seiñ kiwa kreh Muster Roll wa tip kam ka All Jaiñtia Muster Roll Workers & Labour Union, Centre Executive Committee hadien wa dadep pynskem ko yei rai yow lai yakhih chah thngan bait ha Shillong haka 17 tarik uni u bnai neibynta u dawa yei hok na ka sorkar hajrong i pynslem wow pynku bai nongsngi (Variable Dearness Allowance), ka Basic Floor Rates, i wym pu em pynkrehkaam ya ka RCW haka chnat PHE la 28 snem wa kiwi.
Ynne ka sngi ka won da lai tia syndet ki cha ka yung krehkaam u Deputy Commissioner ka West Jaiñtia Hills District ha Jowai yow phah ka chithi pynkynmoo cha u Montri Raagbah ka sorkar jylla, u Conrad K Sangma lyngba u Deputy Commissioner.
Heini i lai li tia syndet da yahkhmat da ka President, ka Meri Shangpung, ka Secretary ka Wegetwell Rumut deilang kiwa boon ki dkhot deiwa rahlang ki leh ya ki Placard wa thoh ya ki kyntien dawa na ka sorkar yow pynyoh smat noh yei dawa yong ki chwa ka 17 tarik.
Hadien wa da poi ki haphrang ka yung krehkaam u DC, da e laad u psiah li booh chithi du kattu katni ngut donhi kiwa yahkhmat, wei da khang noh ya ka Gate katwa kiwa boon ki dkhot won yieñ ki cha kylla Gate yow yang ya kiwa yahkhmat.
Discussion about this post