Da: U Shimphang Lyngdoh, Lumputhoi, EJHD
Aa ka sorkar jylla Meghalaya,
To ap to sñiaw ya kani ka Wyrta;
Da ki spah ngut ki khynnah puræ puthi,
Wym yoh Admission de hadōh katni.
Cheiwon u poi ki wapli kattu?
Ka mynried khamtam ya ka jaitbru;
Nang lai ki sngi ki bru nang bōn,
Yingkieñ puræ puthi yi wow pōn?
Ka chnat puræ puthi toh u bahkhlieh,
Ka mynried wa che wym hoi u ieh;
Pynmih chibōn ki thaw puræ puthi,
Yow lait ki khynnah puræ nei chong sngi.
Yei stat yei tip emkaam bha ki,
150 ngut ki khynnah da chah khang chabi;
Ki skur ki kolej da dap thaw waroh;
Hoi hi mo ya kitai 150 ngut u noh?
Ko sorkar jylla wa em bor ha kti,
Sñiawbha wai chibōn ki laad ki luti;
Ham hun u pait næ sñiaw dōh ki chkoor,
Cheiwon ka mynried yong ki khynnah skur?
Chibōn kiwa yahkhmat seiñbhalang,
Katkam ka riti synchaar da lai ki chaphrang;
Wow paan wow dawa neibynta i hok,
Chah rah pathan ki pli cha patok.
Ka jylla wa em du chitroh,
Ki laad pynbha eh nōd phi u pynyoh;
Kani toh ka daw bah pynhiar jaitbru,
Cheiwon u poi ka mynried kattu?
