Tipmit ka ECI ya ka PDF kam ka seiñ saiñ pyrthai wei da e leh ya ka chaap

Shillong: Ka People’s Democratic Party (PDF) ynne ka sngi da pynmih paidbah ko ya ka chaap Election yong ka heiwa daw chimbynta nyngkong ko ha ka Election MLA 2018.

Ka Election Commission of India (ECI) hadien wa tipmit ko ya ka PDF da pdiang ko leh wow e ya ka da ki mombati kam ka chaap Election ka PDF.

Da pyntip leh wa hanlada da e cha ka PDF ya ka chaap mombati tangwa ha ki Constituency wa ym em pynyieñ kyrtong ko, ki kyrtong samen ye ki u jied ya ki mombati kam ka chaap Election yong ki.

Ha kani ka pynyoo paidbah ya ka chaap da emlang leh ki MDC ka party, ki dkhot wa kiwa kwah ticket naka Party.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

“Deiwa yoh ya ka chaap, ka Party da man ko kawa pura” da ong u President ka party u Ivanlum Marbaniang ha kani ka yalang wa pynman ha yungkrehkaam ka Party wa em ha Nongrim Hills, Shillong.

U General Secretary ka party, u Auspicious Lyngdoh da pyntip u wa ya ka manifesto namo ka thong krehkaam ka party dang pynkhreh ya ka da ki bru wa chemphang kamjooh wa ki khynroo.

Ya ki kyrtong daw pynbna paidbah hadien wa dep chna ya ka Election Committee.

“Kamwa man kattæ dang chna ya ki District Committee wei hadien wa dep ya ini daw jied ya ki kyrtong,” da ong u General Secretary.

Da pyntip leh wa ka Party daw pyrchang ko u pynyieñ kyrtong ha waroh ki 36 tylli ki Constituency ha ri-loom Khasi-Jaiñtia Hills kamjooh ha ki 24 tylli ki Constituency ka ri-loom Garo.

Hanlada ka Party katni dang pyrchang ko wow pynkrai ya ki thawaner yong ka hapoh ri-loom Khasi-Jaiñtia tangwa daw lai hiar ko leh cha ri-loom Garo hei yatoh wa ini.

Kam chibynta ini ha kani ka 16 tarik ka Party daw li hiar ko cha Mairang Constituency yow chna ya ki Zonal Committee wa ha ka 21 tarik ha Nartiang Constituency.