Kam chibynta i lehkmen dap 10 snem ka Digital India, da mih i pyrtuid kawi kawa na Meghalaya kawa da e mynsien ya kiwa boon kawa man kam ka Village Level Entrepreneur (VLE) kawa pyrtuid ka Rose Angelina M. Kharsyntiew kawa na Eastern West Khasi Hills kawa pynyoo yei krehkaam kani ka thong ka sorkar pyrdi heiwa ka Rose nyngkong da man ko kam kawa thooh kreh ha u snem 2015 katwa katni won man ko kam kawa e kreh deiwa pynkrehkaam la 10 snem ya ka Common Services Centre (CSC) Scheme deiwa yarap ya kiwa em cha ki thaaiñ palatsor.
Kani ka CSC kawa e pyrtuid kam ka Rose CSC toh kawa em ha Mairang heiwa da yarap wow leh ya ka Digital Service neibynta ki Scheme sorkar, ki kaam wa yatoh wa ki Bank, Insurance, Telemedicine, ka puræ puthi wa kiwi de. Da sdang ko leh ya ka Stree Swabhiman kawa man neibynta wow chna Sanitary Pad yow yoh ki kynthai yei khooid i suba.
Yeini waroh wa da ye ka Rose wow leh, da yoh i yei tipmit ha ka lehkmen “10 Years of Digital India” wa da pynman ha Yashobhoomi Convention Centre, Dwarka, New Delhi ynnin ka sngi deiwa yahkhmat u Ashwini Vaishnaw, Union Minister of Electronics & IT (MeitY) wa u Jitin Prasada, MoS yow pynyoo yei sñiawngooh yeini waroh wa da leh ko yow man kam ka yingkieñ wow pynyabi ya kitu kiwa duna i yoh wow maad ya ka juk Digital.
Neiliang u Ashwini Vaishnaw da ong u hapyrdi ki loom wa miat, da em kawi ka chnong khian ha Eastern West Khasi Hills heiwa ka Rose Angelina M. Kharsyntiew kam ka VLE kamjooh ka kynthai da pynkylla dur ko deiwa emkti ha kani ka Digital Revolution lyngba ka CSC ko wei da pynkupbor ko ya kiwa chong chnong wow yoh ki ya ki Scheme sorkar.
Da pyntip u leh wa ha kini ki 10 snem ki CSC da ku ki na 83,000 tylli cha ka 5.5 lak tylli kiwa da ye wow e yarap awjan 90% ki chnong wa em cha palatsor ka ri. Ki kynthai wa man kam ki VLE da em ki palat 74,000 ngut kiwa da leh yei kaam bah wow wanrah yei yarap yow ku u roi kiwa chong chnong wei ka Rose man ko kam kawi ka nongmuna wa tyrchaaiñ.
Kam chibynta won ki thong wa thymme, da pyntip wa daw sdang leh wow e ya ki Free AI Training neibynta 10 lak ngut yow ye ki u pynheh pynsan ya ki VLE ki.
Discussion about this post