Ka Meghalaya State Skill Development Society (MSSDS) da tipmit thymme ko ya 20 tylli ki seiñ wow e sikai kiwa man napoh ka jylla namo ki Local Training Providers hapoh ka Skills Meghalaya ynne ka sngi ha ka yalang wa pynman ha yung krehkaam ka MSSDS. Kini toh kiwa daw e sikai 22 tylli ki jait kaam nadooh ki kaam thaiñ da ki dieñ ki siej, u pynbha pynmait sñiooh, i rukom rep, i kreh chna bordiñ, u pyndait Solar PV, Data Entry Operator wa kiwi de iwa daw yoh myntoi 1325 ngut ha u bnai wow wan.
Hapoh ka Skills Meghalaya Phase I kawa da sdang ha u Naitung (Apr) 2022, ka MSSDS da dep ko wow jied weit tipmit (Empanel) ya 14 tylli ki Local Training Providers (LTP) wow e sikai ya 17 tylli ki jait kreh (Data Entry Operator, Handset Repairing, Integrated Farming, Hospitality, Self-employed Tailoring, General Masonry, Street Food Vendors, Cane and Bamboo Craft, Oyster Mushroom, Rural Tourism, Field Technician Computing & Peripherals, Tribal Dress, Rickgitok & Sengki, Food Processing, Gicha Making and Dyeing and Weaving etc), heiwa kiwa yoh myntoi da em ki 1210 ngut ha kylleiñ ka jylla heiwa i sikai toh iwa da sdang.
Deiwa sdang da ka Phase II da mut waroh da em 34 tylli ki Local Training Providers kiwa da booh thong wow e sikai ya 2500 ngut ki khynroo khyllood ka jylla. Ya ini da pynkrehkaam hapoh ka Skills Meghalaya Scheme wa da sdang da u Montri Rangbah ka jylla, u Conrad K Sangma haka 8 tarik u Wisu (Mar), 2022 da ka thong wow e sikai da ki jiat kiwa ye u pynyoh kreh.
Ka MSSDS i thong ko toh wow e sikai ya 20,000 ngut ki khynroo khyllood ha uni u snem wei 1.2 lak ngut ha ki 5 snem wow wan wow kynthup lang ya kitu kiwa da dam u lai puræ, ki wym em kreh wa kitu kiwa kwah wow yoh Certificate wow tipmit yei sap yong ki kamjooh wow pynpliah yei sap yong ki.
Kiwa kwah wow yoh yei tipmit kam kiwa e sikai namo ki Training Providers ye ki wow lai ha ka Website ka MSSDS ha https://mssds.nic.in/Partnerwithus.html
