Ka ri India da yoh ko yei tipmit ya sa iwi wada chna da uwa rim wa tip kam i Rudreswara Temple, (iwa da tip leh kam i Ramappa Temple) wa em ha Palampet, Mulugu District, hajan Warangal hapoh ka jylla Telangana wow man kam i World Heritage Site ka UNESCO.
Kani ka Temple da man ko leh kam kawa 39 ka World Heritage Site hapoh India
Ya ini i rai da chim hadien ka yalang wa 44 ka World Heritage Committee ka UNESCO ynne ka sngi.
Ka Ramappa Temple toh kawa da chan u spah snem wa 13 kawa da e pyrtuid hei pyrtuid uwa da pynwan dur ya ka u Ramappa, kawa da tyrwa da ka India cha ka UNESCO yow jied ya ka kam ka World Heritage Site neibynta ha u snem 2019.
Neiliang u Prime Minister, u Narendra Modi da pynsñiaw u yei kmen wa pynbna ka UNESCO ya ka Ramappa Temple kam ka World Heritage Site. Da kyntu u leh ya ki paidbah wow lai pait ya kani ka Temple yow yoo dei khmat yong ki hadooh katwon wa mait wa yoo man khroo kani kani ka thaw.
