Tkhoh i rukom kreh ka yungkrehkaam u DTO ha Jowai: AJSU

Jowai: Ka seiñ AJSU da pynbaad ko wa tkoh i rukom kreh ka yungkrehkaam u DTO ka Jowai khamtam wow e License neidaw wym wan kreh tista ki wa kreh.

Ka seiñ da lai sakhi ko dei khmat hadien wa yoh ujor ko na ki paidbah yei wym wan tista ki wakreh ha kani ka yungkrehkaam sorkar.

Ka seiñ da ong ko leh hadien wa da pyndep ya waroh i jait wei sah sa du wow chon donhi ya ka License da mih won sa kiwa boon ki daw wa ym biang ka Link wym biang ka Internet wei ka seiñ da ong ko wa ini i rukom kreh da ktah bha ko ya ki paidbah.

Hadien wa da yachem ka seiñ ya u DTO da pyntip u wa duna kiwa kreh ha kani ka yungkrehkaam yong oo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da sñiawphylla ko yeini neibhah lada lai chuti kawi ym em de kiwa yarap, iwa mut da sah lut ki kaam waroh, kamtæ da dawa na u DTO wow pynbiang ya ki wakreh khnang wow lait ki kaam u sahteiñ khamtam kitu wa haap wan na ki chnong wa jngai yow lait ki u wan ar sien le sien yei jooh i kaam.

Heijooh i por neiliang ka seiñ booh ko yei dawa wow pyndooh ya ki Dalal wa chim kabu ya ki paidbah, wei neiliang ka seiñ lada chem ko wa em kam kini kiwa chim kabu ya ki paidbah, khamtam ki bai License, u pynyoh ya ki kot kari daw ujor ko ya ki ha ki bor ka aiñ da ong u President AJSU, Jowai Circle u Derrick Son Phawa.