Hadien wa oor i khlieh tnoom (Dome) yong ka yung dorbar chna aiñ wa dang chna thymme wa em ha Mawdiangdiang, neiliang ki Engineer ka PWD (Building) da lai hiar ki wow pait ya katai ka thaw, wei da pyntikna wa ym em iwon iwon i jia wa sñiawsih ya ki bru.
U Ransom Sutnga uwa man u Executive Engineer ka PWD (Building) da ong u wa i oor kani ka Dome ye u man wa da khia palat ko wei neiliang ka chnat da pynkreh bait ko kamwa da pynwandur da ka Company yow pynchong ya katai ka Dome.
Da ong u wa ha itai i chna da em le bynta namo ki Wing, cha tidiang, timun wa hapyrdi, heiwa da khana wa kiwi ki bynta ym em oor ki lait noh i thaw wa pynchong ya kani ka tnoom.
Da ong u wa ka chnat katni daw chimpor ko kamwa ar tayaw yow pynkhooid ya katai ka thaw, wei sa kamwa 8 bnai yow pyndep ya i chna ya itai wei da khana u leh wa ka chnat daw pynwandur thymme biang ko ya itai i bynta khnang wym em de iwon iwon i maa.
Puræ leh: Khroom haap i khlieh tnoom ka yung dorbar wa thymme ka Meghalaya
