I chongchit chna reel neibynta ki Social Media da wanrah biang i yeiwa sñiawsih heiwa uwi u bru ha Delhi da toh siat bakla u pyn ya-oo hi da ka Pistol wei yeini da riñ Video da uwa emyatoh u.
Ini da jia i ha Dallupura ka sorbah Delhi heiwa ya uwa yap da tip kam u Pawan Kumar, heiwa da mut u wa ini i Video wa ka Pistol daw poor bha i.
Ha i Video da yoo ya u Pawan wa sai u ya ka Pistol wei da thap u ya ka Magazine wa em kuli katwa dang rkhai u ya ka Camera wei da mang u ka ha rupai wei heitæ da siat bakla u pyn ya-oo hi.
Neiliang ki pulit da ong ki wa i thmu wow riñ Video toh wow pynyoo kammon u pynemkaam ya ka Pistol deiwa chngaaiñ tangwa u Pawan da toh siat bakla won u pyn ya-oo hi.
Ki pulit da Register ki ya ka Case wei i takit dang man iwa lai chaphrang.
U Pawan toh uwa 28 snem i rta uwa man kam u Property Dealer wei ka Pistol toh ka yong uwa emyatoh u uwa tip kam u Himanshu wei ini toh ka sien wa nyngkong wa tba Pistol u.
Ini da jia i ha ka 16 tarik uni u bnai wei da chemdien hadien wa lai kit ya u Pawan cha Hospital heiwa ki Doctor da pyntip ki cha ki pulit.
U Pawan toh uwa da khlaad chwa wow poi Hospital wei u kuli da psiah u na liang tidiang i rupai u.
Ki pulit da pyntip ki wa kani ka Pistol toh kawa em 10 tylli ki kuli hapoh Magazine.
Discussion about this post