Toh u Blacklist yaka Dhar Construction Company lada chem wa chna khalær ya u sarok: Hek

U MLA ka BJP uwa man leh kam u Montri sorkar, u AL Hek da ong u wa toh u e dak yong namo wow Blacklist ka ka Dhar Construction Company lada chem wa baam tooh ko yaka poisa hawa pynchna ya ki sarok hapoh ka jylla.

Yeini da ong u heiyatoh wa u sarok nadooh na Nongtalang cha Amlarem uwa da chna da ka Dhar Company uwa da sih hapoh 2-3 bnai hadooh wa da maham ka JAC wa kynthup lang ya ki waheh chnong ka War Jaiñtia waka HYC wow lai yaleh da ka PIL ha ka High Court ka Meghalaya.

U Hek da ong u wa lada em sabut wa uni u sarok da chna khalær ya oo tæ ka sorkar jylla waka sorkar pyrdi toh u Blacklist ki ya kani ka Company wei wow pynchitom ka.

Kam wow pynkynmoo wa ka JAC lyngba ka RTI da chem ko wa uni u sarok da chna hei lut wa Rs. 43.69 klur uwa jrong 16 Km tangwa du hapoh 2-3 bnai sih wot u phrai næ heiwa kiwi ki seiñbhalang kam ka JSU waka FKJGP leh da lai ki wow ujor pyrchah yeini i rukom kreh ya u sarok nadooh u Naiynru uni snem.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hei booddien ka FKJGP War Jaiñtia Circle ya ini i kaam, neiliang ka chnat PWD da ong ko wa daw pynchna biang ya uni u sarok manda rang u slap.

 Uni u sarok toh uwa da pynlait poisa da ka Ministry of Roads Transport & Highway ka sorkar pyrdi.